啱啱先至病好，但撞啱歐洲又行冬令時間，搞到睇波睇到好夜，皮膚就梗係冇好過啦！呢幾日經過啲護膚品專櫃，真係有衝動去買番啲「急救品」，不過，我知道外敷不如內服，都係叫阿媽煲番啲靚湯潤潤佢先。
唔好以為護膚係女性專利，其實男士注意儀容亦係禮貌嘅一種。你話如果你喺冬天時個嘴爆晒（仲要係流埋血嗰隻）、塊面又亁又嚡，試問人哋又點會對你印象好呢？另外，雖然我知道好多男士並唔怕凍，但如果得嗰幾度時，仲見到你只係着住件T恤，人哋唔會覺得你壯，而係話你寒酸囉！
講番足球，真係估唔到目前荷甲兩大勁旅阿積士同燕豪芬都係「無帥之師」，呢個禮拜我嘅心水就係燕豪芬星期日迎阿爾克馬爾時入球開「大」，詳情就睇我周日嘅荷甲大勢啦！
大細：燕豪芬大
心得：兩隊都唔識守
近5場往績：贏贏輸輸贏
吾中
買嘢講名牌，但賭波一定唔會做名牌奴隸嘅大聯盟女神。