周中難得有日假放，終於買咗周杰倫隻新碟，裏面第一首歌同大碟名差唔多嘅《牛仔很忙》雖然一般；但諗吓諗吓，原來畢傑都可以有首《肥仔很忙》，皆因肥仔近排真係好多嘢做，搞到我哋見面時間少之又少，希望遲吓會有好轉。
老爸最近check到血壓好高，令我好鬼擔心，前日佢又要走去驗血，希望佢老人家冇乜大礙，最緊要佢知兩個仔碧豪同畢傑孝順就夠喇。錢，對我嚟講絕對冇問題，你同我開聲講得喇。
今期貼士係：連輸兩口盤嘅拜仁，作客史特加贏得。
主客和：拜仁慕尼黑勝
心得：拜仁反硬
近5場往績：輸輸贏走輸
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。