前晚在將軍澳錄影的《勁歌金曲》陣容鼎盛，有陳奕迅（Eason）、鄭希怡、楊丞琳和蔡依林。蔡依林勁谷G奶獻唱新歌《愛無赦》，更有不少撫身動作，意態撩人。
「我鍾意佢5、6年」
楊丞琳表示很喜歡Eason，她說：「我仲送咗隻CD畀佢，喺綵排時，我仲想攬住佢，好彩差一步。我鍾意佢有5、6年，由《愛是懷疑》開始，我知佢遲啲會喺台灣開騷，到時我會去睇。」提到日前來港時，楊丞琳的fans多過天后蔡依林，楊丞琳聞言說：「可能佢啲fans唔知佢嚟。」被楊丞琳渴望擁抱的Eason聞言笑說：「我件衫拮喎，喺台灣已經識佢。我唔介意俾佢攬，平時就唔係個個都攬得，近排就個個都攬得。」
此外，蔡依林昨日到商台接受訪問，對於台灣EMI唱片公司董事總經理陳澤杉因與周杰倫掀罵戰而請辭，蔡依林指回台後會勸他不要離職，她說：「我聽說他抑鬱症，不知他有沒有看醫生。」
採訪、攝影：卓美娟、李珮洳、林德雄
