日本偶像組合KAT-TUN成員龜梨和也，同女星小泉今日子嘅姊弟戀曾轟動日本藝能界，不過，阿龜最近卻被發現同一名年約20歲嘅女性喺東京代官山約會，令人懷疑佢已經同小泉今日子分手。據噚日出版嘅日本雜誌《FRIDAY》報道，阿龜日前某夜被目擊同一名20歲嘅女子約會，飯後阿龜送該女子上的士，一名行內人士解釋說：「該名女子其實是從事時裝業，她經常為阿龜提供衣着上的意見，二人已認識一年半以上，只屬好朋友。」咁即係阿龜冇跟小泉分手？