60歲的汪明荃出道40年，昨日在男友羅家英等見證下，出席城大榮譽文學博士學位頒授儀式，其間阿姐一度感動到眼濕濕。不過家英哥被問到送甚麼禮物給阿姐時一度呻窮，揚言阿姐生日時早已送她一條「歪心」鑽石頸鏈。
汪明荃昨日獲城市大學頒授榮譽文學博士學位，羅家英、契女謝婷婷及鄭裕玲等均有到賀。阿姐在頒授儀式中眼濕濕，其後拍照時現場人士要求家英哥親吻阿姐，但他只「吓」了一聲，拒絕就範。
阿姐說：「第一次參加呢類畢業典禮，感覺好似返緊學讀書咁，現場幾百人，見人哋父母睇住自己子女畢業，都有好滿足感覺。我試袍時喺鏡睇自己嘅時候感覺好唔同，有好大感動。當現場講我生平時，一路回想番做過嘅事，嗰陣令我好感動，感覺同平時拍戲唔同。」
家英哥呻冇錢
問阿姐會否覺得今次獲頒發的榮譽特別大時，她說：「今次係學界，個承認同認同更加重要，我承認我好感動，有啲眼濕濕。」而身為阿姐男友的家英哥，被問到有沒有送禮給女友時說：「我好窮，之前生日咪送咗囉，佢心口戴嗰條心形鑽石頸鏈，成五位數字。」記者指阿姐所戴的心形頸鏈有點「歪」，家英哥即笑說：「係一個歪嘅心，每個心都係歪歪哋㗎啦，好正常。」
望與阿姐外遊
阿姐在頒授儀式上眼濕濕，但家英哥卻抵死地說：「我眼花睇唔到，我都開心，但唔喊啦，喊得太多。」原本家英哥在河北拍劇，今次是否專程返港賀阿姐？家英哥說：「今次為咗阿姐同出席八和就職禮，聽日再返河北，我好想同阿姐去旅行，但未諗時間同地點。」此外，八和會館第三十三屆理事會前日正式成立，在紅磡設宴百多圍，並籌得近150萬元。
採訪：魯萍 攝影：葉君海
