劉嘉玲同梁朝偉呢一對關係的確撲朔迷離，劉嘉玲日前出席活動時已講明佢哋未正式結婚，但噚日又有報道指有內地藝人姜帆喺blog度爆料，話劉嘉玲同梁朝偉已經完成咗婚姻登記，花費大約港幣1,000蚊，又話佢哋諗住喺小朋友出世之前，補辦婚禮答謝親朋。報道仲話姜帆指劉嘉玲擔心高齡生產會有危險，所以搵中醫尋偏方嚟以策萬全。不過唔知係堅定流啦！