側田（圖）、吳雨霏（Kary）同小肥噚日到土瓜灣為今晚喺九展舉行嘅「903繽紛音樂園」進行綵排，側田近日被周刊指佢因為態度唔好，搞到被經理人黃柏高（Paco）雪藏，年尾頒獎禮Paco仲主力為古巨基爭獎，側田聽完後就話雪藏唔係事實，佢話：「話我態度唔好冇得講，但我講嘢方法可能令人誤會，自己會檢討，雪藏係假，之前我為咗做碟先少出嚟，唔會影響同基仔嘅感情，我仲想作首歌寫我哋爭獎。」