黎姿（GiGi）、蒙嘉慧、陳豪及鄭嘉穎等昨日在黃埔宣傳無綫劇集《通天幹探》，大會安排一眾藝員進行混雙及男子單打網球賽，兩位女主角表現得雞手鴨腳，蒙嘉慧更不時鬼馬地打空氣。至於單打賽事方面，鄭嘉穎以三盤兩勝力壓陳豪，蒙嘉慧即取笑陳豪說：「係咪要搵嗰人嚟同你打氣呀？」
GiGi視大契為偶像
問陳豪是否未有人為他打氣故此輸波，他說：「咩呀！你哋同我打氣咪得囉。」GiGi自言甚少打網球，她說：「因為我以前滑雪傷過左腳，所以唔可以做太劇烈運動，TVB所有監製都知，我唔可以做打女。」對於有報道指GiGi將於台慶頒獎禮上擊敗大契李司棋，她說：「梗係唔係喇，司棋姐係我偶像，我今年都睇好佢。」
採訪：王崇穎 攝影：林德雄
