由湯告魯斯（TomCruise）主演嘅二次世界大戰電影《華爾基利》（Valkyrie），早前喺柏林拍攝時，一時話德國政府唔借出軍事基地，一時又話冲壞菲林，搞到套戲嚴重延期，雖然外傳套戲好多阻滯，但監製仍然拍晒心口話套戲可以如期下年6月底上畫。電影嘅幕後製作花絮，噚日啱啱首度喺網上曝光。
拍攝花絮曝光
今次套戲講述到咗非洲服役嘅史陶芬柏格上校，喺大戰中受重傷而返番德國，因為戰事中搞到左眼失明嘅佢，領悟到戰事帶嚟嘅禍害，所以參加一個名為「華爾基利」嘅計劃，希望推翻希魔政權，組織臨時政府，佢被委以重任，要親手殺死希特拉。
喺首次曝光嘅製作花絮中，靚佬湯再以佢嘅獨眼上校look上陣，身兼監製一職嘅阿湯，每拍完一個鏡頭都同導演白賴仁辛格（BryanSinger）密密斟，好似教番導演轉頭。其間仲有多架由德國政府借出嘅古董容克52型運輸機（Ju-52），平時難得一見，監製仲話呢套片嘅正式預告片喺本周末正式全球曝光時，有一幕大型場面會睇到大家目瞪口呆。
http://www.apple.com/trailers/mgm/valkyrie/hd/
版主：網盜王尊尼Deep
本欄逢周一至五刊出