汪明荃（阿姐）昨日以八和會館主席身份，聯同羅家英、李香琴及阮兆輝等在北角新光戲院出席「八和會館第33屆理事會就職典禮」，近日遭杜琪峯指摘為「騎呢怪」的無綫總經理陳志雲獲邀為八和的顧問團成員，阿姐更親手向他頒發感謝狀。阿姐說：「係我請佢嚟㗎，陳生好鍾意粵劇，我問咗佢有冇同職銜有牴觸，佢話冇，有佢幫手睇吓TVB可以點樣推廣粵劇。」
阿姐昨日行頭十足，戴上巨型鑽戒之餘，西裝外套又扣上閃爆鑽石心口針，不過她對八和動向更為關注：「接班人、資源同場地呢三方面都要好關注，北角新光戲院去到09年就唔再續約畀我哋，政府可以撥幾億畀電影業，希望都可以撥幾億搞粵劇發展局培訓人才啦。」
採訪、攝影：魯萍