張震早前因為帶模特兒新女友吳家欣到台灣泡溫泉，以致被傳媒揭發戀情。前晚他出席一個手錶活動時，指自己從來沒有間斷過拍拖，更大方承認了新戀情，他說：「目前感情穩定，但冇諗過幾時結婚。」
張震前晚正式承認了新戀情後，他與舒淇像霧又像花的戀聞終於可以告一段落，在新戀情曝光近兩個星期，他一直不肯公開談論，直至前晚在九龍站主持IWC新店剪綵禮時，如沐春風的他一改封口態度，直認了與吳家欣（Tanya）的戀情。
未計劃結婚
記者問張震是否與女友好事近？他表示：「結婚就冇可能，只係報紙寫，暫時冇考慮過，我同女友感情係好穩定，其實我一直都冇間斷過拍拖，但講到結婚呢啲問題，雖然有計劃過，有認真諗過喺幾多歲先結婚，但肯定唔會係短期內嘅事。」記者問他是否遭女友迫婚？他回應說：「即使有都唔會同你哋講，𠵱家拍緊《赤壁》，其他嘢唔想諗住。」
對於《赤》片有不少工作人員都跑掉，張震表示：「呢部戲有700幾個員工，邊啲人留、邊啲人走，我根本唔知道，作為呢部戲嘅演員，我只係希望可以盡量配合部戲嘅需要啫！」
唔買情侶錶
問張震前晚出席手錶活動，有否考慮買一對情侶錶？豈料他說：「冇呀！以前就買過一對錶畀我同媽咪，買畀女朋友就未試過，記憶中，我買嘅手錶，最貴係一隻價值10萬蚊嘅錶。」
採訪、攝影：王崇穎
