開荒牛LEVI'S@PHONE

翻查記載，LEVI'S大概有160年歷史。
始創人LeviStrauss隻身由德國走到三藩市開雜貨店，點知由賣騾布搖身一變，成為牛仔褲始祖！雖然佢未經歷過如Parda、LouisVuitton般動人嘅情節，但總算是一個傳奇。今日，呢名牛記一哥想改變戲路，把自家品牌推廣到手機；更大膽的是，這款LS01將變為Fashion的一部份。開荒牛成功與否？還看呢鋪！

記者：陳國輝　攝影：陳偉強

星級牛

「將手機放上肩膊最襯，尤其當身體輕輕動一動的時候，感覺特別Sexy！」

「部機好型，我會經常將佢擺上塊面度傾電話，因為外形咁靚，梗係想多啲人望吓。」

「無論襯番邊一款LEVI'S嘅衫或牛仔褲，部手機都好夾；掛喺頸一樣咁靚！」

「呢部手機好Slim，如果可以掛喺手臂就更好，同我隻手一樣咁Slim，襯晒！」

兩馬分屍不成　最經典

為演繹出LEVI'S騾布襟用與耐用嘅特性，LS01機背上特別刻有「LEVISTRAUSS&CO.」的經典標誌。圖案是兩名戴帽牛仔用皮鞭鞭打兩匹馬，企圖將中間條牛仔褲「分屍」，以表達LEVI'S的堅韌性。當然，手機冇可能用彈性牛仔布做材料，否則污糟咗點算？取而代之，變成手感滑溜且冰冷嘅不鏽鋼外殼，機底用上經典標誌，至於機面亦印有現時嘅LEVI'SLogo，就連分唇入面嘅Wallpaper，也內置達7種不同款式嘅牛記標誌。

■包裝盒Design得相當特別，摸上手是騾布質感。

■內置幾款經典Logo，可任意設定為手機屏幕。

■「LEVI'S」Logo採用凹凸紋來呈現，手感一絕。

■據講，格仔紋係模仿牛仔褲所用嘅「撞釘」（Rivet）而設計。

配相機播音樂　交足貨

既然同Fashion品牌玩Crossover，功能絕對唔會係主打，好彩，LS01亦冇叫人失望。機背配置200萬像素鏡頭，除咗影相，仲可攝錄和播放MPEG4或H.263格式影片，隨時於手機屏幕上播放；但個芒只得1.8吋，加上解像度為220×176Pixels，可能滿足唔到要求高嘅用家。另外，當你拆開機蓋，會發現一條microSD卡槽，最高支援2GB容量，加埋機內64MB，最啱用嚟抄MP3音樂；如果再透過無線藍芽耳機嚟聽歌，咁就更Prefect。