北京直擊：SE又玩摺　手控音波功

北京直擊：SE又玩摺　手控音波功

SonyEricsson（SE）剛在北京發佈來年新一季的手機，今次由W系列的Walkman機擔正大旗。少見的摺機重現SE舞台，仲要玩隔空靜音，十足玩魔術咁，VeryFunny！可惜售價尚未公佈之餘，更預告部份機款不設香港行貨，睇啱的話亦惟有靠勤勞的水貨大佬們幫手喇！

記者、攝影：馬靜兒

記招現場

SE記者會在北京新興的旅遊景點世貿天階內，一間雪茄爵士酒吧CWJ舉行。由於以Walkman機做主打，所以請來內地歌手獻唱，營造音樂味濃的氣氛，表達以手機心情選歌。可惜代言人王力宏未有到場，只預錄片段作播映。

■北京近年頻繁舉行大中華區記者發佈會，美女如雲的場面是指定動作。

■今次發佈會預告推出多款手機，但部份機款只在內地發售。

■SE手機代言人王力宏今次只錄影片段播出，未有到場，有點失望囉！

■為加強現場的音樂感，工作人員身上掛上閃燈牌，一有節拍就會閃燈。

■發佈會所在地CWJ是一間以雪茄、酒和爵士為主題的酒吧。

新摺機隔空靜音

SE一向以直身機及滑蓋機為主，很久沒有推出摺機。今次預告下年新一季手機，主打的W380i摺機可算是驚喜。人家玩隔空取物，佢就玩隔空靜音。全因加入了GestureControl，只要在手機面隔空掃過，毋須接觸手機就可將來電靜音，或停止響鬧。這個功能其實好實用，有時開會唔記得調校靜音，開會中途突然響機，可以在機面掃過就即時靜音。不過，如果靠佢的響鬧功能起床，就一定靠唔住，連掣都唔使按就可以熄咗鬧鐘，一定遲大到啦！

■機面的凹凸操控鍵，按下時有回彈感覺，增強手感。

■隔空掃一掃即時靜音。

■要預先選擇手勢操控才可玩隔空。

■摺機一向有很多擁戴者。

外置屏幕控制音樂

好多人都對摺機有特別偏好，加上今次其外置的屏幕，可以控制播放音樂，不用掀蓋都可以向前跳選，向後跳選或暫停播放。當Walkman播放器開啓時，外屏幕的一按式按鍵就會啓動。跟其他音樂機不同，其外屏的按掣是凹凸的，按下有回震的效果，加強了手感。

SonyEricssonW380i

功能：三頻、26萬色TFT屏幕（176×220）、130萬像素鏡頭、4倍數碼變焦、藍芽、內置14MB、支援512MBM2記憶卡
體積：92×49×16mm
重量：100g
顏色：紫色、灰色
推出日期：08年第一季

音樂機睇心情揀歌

很多時都會睇心情做人，另一部音樂手機W890i就新加入SensMe心情選曲，可以在心情介面中，挑選快樂、悲哀、輕快和緩慢的歌曲，好似玩遊戲咁。跟機送2GBM2記憶卡，可以儲存1,800首歌。加上支援HSDPA，較3G裝置快4倍下載音樂。除了音樂功能，影相都唔輸蝕，佢有320萬像素鏡頭，質素都唔差。

囗 手機以心情選曲，現場有符合你不同心情的內地歌手獻唱。

囗 跟同門機一樣，播放音樂顯示唱片封套。

囗 每首歌都歸入不同心情的類別，睇心情揀歌啦！

囗記得要預先設定SensMe心情選曲。

SonyEricssonW890i

功能：3G/四頻/HSDPA、320萬像素鏡頭、3.2倍數碼變焦、支援2GBM2記憶卡、藍芽、RSS閱讀器
體積：104×46.5×9.9mm
重量：78g
顏色：黑色、啡色、銀色
推出日期：08年第一季

上網機打橫嚟

雖然K660i屬K系列，但賣點是便利的上網工具，以往直度的瀏覽器，今次改良成可作橫向瀏覽。上網時，手機的導航鍵就變成如PC的滑鼠，加上瀏覽網頁時會發光的四個網絡快捷鍵，方便打入網址、揀最愛網站、返回瀏覽器和放大縮小頁面。
至於很多人都愛用的RSS，今次也加入瀏覽器內，方便隨時選取自己想看的資訊，仲有埋Google手機地圖更加不怕迷路。當你用200萬像素鏡頭影完相後，仲可以將圖片上傳入個人Blog上，即時跟朋友分享，勁方便。

■以上網為主打的K660i，白色切合年輕人的口味。

■隨時Google話咁易，K660i添加了不少方便快捷的上網功能。

■橫向上網加上四個上網快捷鍵，增加用手機上網的方便度。

■將ＲＳＳ加入瀏覽器的介面，隨時揀選想睇的資訊。

SonyEricssonK660i

功能：3G/HSDPA/四頻、2吋QVGA顯示屏、NetFront瀏覽器、RSS閱讀器、Google搜尋器、GoogleMap、200萬像素鏡頭、4倍數碼變焦、跟機送256MBM2記憶卡、藍芽
體積：104×47×15mm
重量：95g
顏色：黑色、白色
推出日期：08年第一季