郭富城過氣緋聞女友藤原紀香前晚與城嫂熊黛林同場出席公開活動後，紀香性感風騷贏晒。熊黛林今日出席珠寶活動時透露絕不會妒忌，但當她得悉網友覺得紀香與城城較合襯時，她則𤷪𤺧地表示不公平。而紀香結束香港之行前，以真空露背桃紅晚裝嘆意大利菜，非常冶艷。
曾與郭富城傳出緋聞的日本女星藤原紀香，前晚以嘉賓身份現身中環四季酒店，出席首飾品牌LinksofLondon活動，首度與城城現任緋聞女友熊黛林同場較量，平時十分合作的熊黛林更罕有未有接受訪問，風騷的紀香搶盡風頭先贏一仗。
堅稱不妒不呷醋
昨日熊黛林在灣仔君悅酒店為珠寶品牌VanCleef&Arpels行騷後，才大方接受訪問，她說：「因為前晚我家有急事趕住走，唔知道佢（指紀香）在場，都冇人同我講。」談到紀香與城城關係友好，總以電郵互相聯絡時，她說：「我未問佢，自己都唔會妒忌，亦唔會呷醋，大家都係大人，都會有好多朋友。」
紀香真空歎意菜
當記者告知熊黛林有網友將她與紀香比較，並覺得城城與紀香較合襯時，她即發𤷪𤺧說：「唔同國籍、文化背景、職業同年紀嚟比較，唔公平，大家文化都唔同。」對於城城透露不會與紀香會面，她即笑說：「我有咁惡咩？自己都冇乜所謂，有時我都會同國內男性朋友食飯，不過同之前男朋友分手就唔聯絡。」
紀香前晚出席活動後，穿上真空露背桃紅晚裝繼續施展性感魅力，她到中上環的Gaia餐廳嘆意大利菜，其間更有食客搭訕。紀香至凌晨離開時更鬼馬地以廣東話說：「好食、好食。」再以日語表示此行不會與城城見面。
採訪：MaggieLaw、CheokPoFa、EddieWong
攝影：RickyIp
