汪明荃、余子明、陳百祥及吳家樂等，前晚在將軍澳電視廣播城錄影《再會歡樂今宵》，現場播放余子明以往演「大眼雞」一角的片段時，阿姐不禁問：「乜有段咁嘅片？乜你做過咁嘅角色咩？」阿叻即揶揄她說：「你係EYT老臣子，唔好扮細喎。」
阿叻撐陳志雲
到播放夏雨扮「單吊西」片段時，阿姐又說：「好多頭髮喎。」阿叻又搶白：「佢𠵱家仲多，不過笠上去之嘛。」
此外，對於杜琪峯指無綫總經理陳志雲是騎呢怪一事，阿叻力撐陳志雲說：「佢好投入TVB工作，佢全力以赴，我係老闆請到呢啲員工都好開心，叫杜琪峯唔好拍幾套好戲就踩人，佢都係TVB出身，憎人富貴厭人貧，如果陳志雲唔得，邵爵士同方小姐都唔會再畀佢做行政工作啦。」
採訪：王崇穎
攝影：葉君海