羅敏莊（左）同胡諾言（右）噚日喺將軍澳電視廣播城拍攝新劇《大冬瓜》一場成親戲，可惜最後婚事告吹，不過喺現實中嘅羅敏莊就同陳國邦籌備緊婚事，佢話：「原本上年9月訂咗場地，但因為消防條例問題要取消，消息出咗街後好多朋友都好關心我哋，變咗唔請唔得，𠵱家惟有儲多啲錢，希望出年可以成事，打算註冊同擺酒一齊做。」