李心潔未婚夫彭順，早前被發現與現年18歲的模特兒拖手進入酒店，惹來爆房偷食疑雲，彭順的孖生弟弟彭發力撐胞兄，斥報道荒謬，又以惡毒詛咒維護兄弟，他說：「如果真係有搞過，真係應該死咗去！」
由彭發導演執導的新片《塚愛》，兩位主角鄧麗欣及余文樂昨日到沙田車公廟為新片祈福，兩人又為《塚》片的票房求籤，導演笑指兩人求的第46及第55籤，分別代表開畫票房及尾日所收的票房，自嘲不能大收。
「冇搞過就好唔抵」
對於李心潔的男友彭順日前被拍到與模特兒拖手再赴酒店，因而被指偷食，其孖生弟弟彭發強調，外界對於事件的反應正常，但認為報道荒謬，他說：「真係荒謬，最荒謬係冇搞過，如果真係有搞過，真係應該死咗去，但係冇搞過就好唔抵。我知佢冇做過，不過經過今次可以見到佢身邊嘅人點樣睇自己，我作為佢細佬，佢話冇做過，我就會信佢，好清楚佢份人。」彭發指家人反應不大，若事件發生在他身上，他認為自己沒有做過便足夠，太太也非常信任他。
樂仔買樓難追價
剛拍攝完《塚愛》的鄧麗欣，表示彭發邀請她再拍新片，飾演一名精神病患者，但她已經推卻，她說：「我啱啱個角色已經好難抽離，怕再拍呢啲角色會真係癲！」
近年不停拍戲的余文樂就大吐苦水，他稱雖然已拍了逾30部電影，但從未獲任何提名，他笑指希望在車公廟求得將獲電影獎項提名。樂仔又表示正籌劃買新樓，他說：「喺三個月前睇過層樓，三個月後竟然貴咗1,000萬，希望樓巿唔好升咁快，我追唔切。」
採訪、攝影：張俊銘
