陳奕迅紅館個唱前晚演出第一部份尾場，他興奮狂唱至超時35分鐘，又狂冧老婆徐濠縈，大讚她是好老婆，又故意獻唱老婆不愛的歌曲，並謂不介意讓老婆講一世，擺明要與徐濠縈相伴一生一世，冧得阿徐只懂狂笑。
陳奕迅（Eason）前晚在紅館演出第14場「Eason'sMovingOnStage1」演唱會，他將於明晚開始再在紅館為東亞運動會演兩場，故他將前晚當作尾場表演，盡興狂唱至昨日凌晨12點05分才完騷，被場館罰款6位數字。
當Eason謂今次個唱順利完成要感謝很多人時，台下觀眾大叫：「多謝你老婆徐濠縈。」Eason聞言笑說：「多謝徐濠縈？留番頒獎禮先啦，都要多謝老婆大人，佢真係好好。」台上的樂隊領班單立文即開咪插口道：「有乜嘢好？」Eason說：「你唔好理啦，好咪好囉，唔使理由。」
冧完一次還不夠，後來Eason欲唱《綿綿》時，又忍不住搬老婆上枱，他說：「我老婆話呢首歌好悶，所以前幾晚cut咗，你哋覺得唔悶咪得囉，老婆咋嘛，成世咋嘛，由佢講一世囉，我想唱呀！」台下的徐濠縈被冧得綻放燦爛笑容。
瞓地任跨
除陳志雲、谷祖琳及谷德昭等人捧場外，楊千嬅、梁漢文、何韻詩及劉浩龍等華星出身歌手好友也到場，還上台大玩一番，先推跌Eason要他躺在台上，然後眾人扮女model在其身上跨過。
事後Eason在慶功上接受訪問時表示女兒翌日要上學，故沒有到場，又指不介意超時罰錢，還說：「有出先有入，不過9號同10號兩場就唔會過時，應該唔會咁high。」Eason謂很感謝黃偉文相當用心地為他主理服裝。
採訪：胡比
攝影：林德雄
