由徐天佑主演的新片《魔術男》前晚舉行首映禮，其緋聞女友楊愛瑾（Miki）不避嫌到場力撐，兩人合照時Miki更滿面通紅，不過正以為他們公開關係時，天佑卻暗示兩人已分手很久，不過大家仍是好朋友。
由曾志偉監製，徐天佑、梁曉豐及楊淇主演的電影《魔術男》前晚在金鐘舉行首映禮，陳雅倫、鄭中基、谷德昭、苗僑偉夫婦、鄧健泓、無綫監製錢國偉及一班味之天使均有捧場。
冇興趣學魔術
正當徐天佑接受傳媒訪問時，曾志偉突然拉着天佑去拍攝一張很重要的相片，原來是天佑的緋聞女友楊愛瑾（Miki）到場。兩人合照時，Miki滿面通紅，還不時用手摸面，她解釋說：「我以為好凍，所以着咗件厚褸嚟，搞到好熱。」問Miki為何如此大方到場力撐緋聞男友，她說：「𠵱家大家唔同公司。」志偉指Miki是很重要的人，是否意味Miki跟天佑已在朋友間公開關係？Miki說：「大家不嬲係朋友，其實私底下，天佑拍呢部戲時都有玩魔術畀我睇。」續問Miki可會因此而為天佑加分，她稱這並非其擇偶條件，天佑雖然有教她玩魔術，但她卻沒有興趣。
而天佑被問到Miki一到場，志偉即顯得十分緊張一事時說：「志偉叫我照顧吓啲朋友。」但又南也有到場，卻不見天佑如此緊張，他說：「唔係，係我邀請佢嚟睇首映。」不過他暗示與Miki已分手，天佑說：「𠵱家係朋友，以前嘅嘢已經過咗去啦。」那麼兩人是否再見亦是朋友？天佑說：「唔係再見，有聯絡，有傾偈。」天佑揚言兩人是朋友，他也很久沒有拍拖。
陳雅倫有艷遇
此外，陳雅倫前晚以性感打扮到場，她透露早前到美加登台，問此行可有艷遇，她說：「有啲嘅，都有四、五個選擇，不過自己唔會揀啲40歲就話退休嘅，覺得唔夠上進心。」提到拍攝《補習天后》時跟葉璇的是非，她說：「葉璇唔係乜嘢啫，好多嘅嘢唔使講，肥媽事後有打電話同我道歉。」
採訪、攝影：卓美娟
