鄭少秋和女兒鄭欣宜昨日一起參加《歡樂今宵團圓夜》的演出，遺憾是昔日的EYT台柱肥姐沈殿霞因剛做完化療不能出席，但她在女兒臨出門前，特別送上祝福和鼓勵。欣宜又預告其母將在下周六舉行的《萬千星輝頒獎典禮》亮相，估計肥姐是要親自領取「光輝大獎」。
無綫節目《歡樂今宵團圓夜》昨晚在九龍灣展貿中心舉行，昨午3點先來一個拜神儀式，出席者有鄭裕玲、戚美珍、盧大偉、鄭欣宜和鄭少秋等。原本無綫方面很希望肥姐可參加這節目的演出，因為他們一家三口已經絕少在螢幕一起出現，可惜肥姐身體狀況實在不能應付，最後還是辭演。
做完化療感疲累
秋官兩父女昨日一起接受訪問，問到欣宜母親晚上會否來九展為她打氣？她說：「媽咪係好想嚟，但噚日剛剛做完化療，身體好虛弱，所以佢應該嚟唔到啦。媽咪好好，我今日臨出門時，問媽咪可唔可以同我講句嘢，佢問我：『係咪講loveyou！』我話唔係，媽咪即刻明白，然後同我講『goodshow』，佢叫我唔好咁緊張，畀心機表演就得，台下發生乜事都唔好理。」
記者問欣宜參加是夜演出，有否代母親位置的感覺？她說：「唔係，媽咪係冇人可以代替。」在旁的秋官也插口笑說：「邊有人可以代替到佢呀，佢咁身形點代替？好似阿嘟姐（鄭裕玲）一樣係冇人可以代替，今晚佢嚟唔到，我都覺得好可惜，不過我會傍住個女演出。」接着一臉慈父的秋官對欣宜說：「Youarethebest！」逗得女兒好開心。
親自落廚炒蝦仁
欣宜又指母親前晚曾經在家親自下廚，她說：「媽咪好鍾意食清炒蝦仁，噚晚佢仲親自下廚去炒，嗰日佢雖然做完化療，但通常做完化療嘅第二日先開始攰，所以今晚先嚟唔到，但17日晚（下周六）台慶頒獎禮嗰晚，媽咪會出席嘅。」早前有傳肥姐會在《萬千星輝頒獎典禮》獲頒最高榮譽的「萬千光輝演藝大獎」，欣宜強調母親亮相頒獎禮，相信肥姐奪獎機會極高。原本肥姐昨晚會在節目中作phonein訪問，但節目監製林嘉穎昨晚表示：「我哋最初係想phonein訪問，但欣宜頭先通知我哋，肥姐做完化療，身體比較攰，所以唔做得訪問啦。」
採訪、攝影：胡比、卓寶花、陳志嵐
EYT老友再聚
