近年日本電視台一窩蜂改編漫畫成劇集，上季憑《花樣少年少女》彈起嘅日本男星生田斗真，將夥拍女星成海璃子演出改編自人氣漫畫嘅劇集《蜂蜜與四葉草》，喺下年1月播出。今年得15歲嘅成海「跳級」扮大學生花本葉久美，網友對電視台選角似乎唔多滿意。
mai：雖然鍾意成海嘅演技，但女主角花本都係蒼井優適合啲。
六地藏：成海膚色太黑，木無表情。
ni：成海嘅外形同漫畫女主角完全唔同。
無名氏：成海最近扮木無表情嘅補習老師印象太強烈。
舊年蒼井優主演嘅《蜂蜜與四葉草》電影版大受好評，睇怕成海要做番同一角色都好大壓力。另外，由龜梨和也主演嘅新劇《一磅的福音》就傳會由女星黑木美沙做女主角。
網址： http://entameblog.seesaa.net/article/65065524.html