前日英冠水晶宮領隊禾諾克好興奮咁同我求大俠講，話球會班主佐敦答應會拎錢出嚟畀佢擴軍。不過，當我求大俠問真啲，先知原來禾諾克同佐敦係喺洗手間相遇，喺佢哋一齊「解決」時，佐敦先作出上述嘅承諾。唉！男人喺洗手間解決時答應會做嘅嘢，究竟有幾多成可信呢？我求大俠都唔知恭唔恭喜禾諾克好囉。