花旗股市上個禮拜四急跌之後，禮拜五反覆靠穩，但係美林證券俾監管機構調查，就令到金融股繼續受壓，因為投資者好擔心其他金融機構會唔會都有隱瞞次按壞賬嘅行為。
期油係咁升，已經去到95美元樓上，隨時兩三日之間就會上試100美元，油股短線會係支持花旗股市嘅主力，但係金融股沽壓大，花旗股市短線都唔係睇得咁好。
溫總叫停直通車，料會抵銷美股靠穩的因素，恒指估計會低開，但跌幅未必太大。
中旅C輪1745：中旅（308）上個禮拜五跌咗4.7巴仙，報收5.83元。中旅剛公佈母公司注資嘅好消息，仍要跟住大市調整回落，但股價跌近10日線有明顯嘅支持，短線有機再上試6.38元，破位睇7元，可以買啲C輪1745短炒，隻輪現價2元，有效槓桿2.5倍。
正股升上7元，1745會喺3元樓上，正股跌穿5.4元止蝕。