屢傳不和的曾志偉和容祖兒，前晚在《翡翠歌星賀台慶》中再度碰頭，不知是有心還是無意，志偉竟當眾大彈祖兒演出項目最低分，祖兒不忿地反駁說：「我哋每條腿都值10分，加埋都有100分。」你一言我一語，為節目加添幾分火藥味。
無綫節目《翡翠歌星賀台慶》前晚結束，去年勝出的男歌星組冧莊，但整晚節目恍如奀星賀台慶，大卡士寥寥可數，除衞蘭和鄧健泓走音，譚詠麟（阿倫）又唱甩嘴，要拍檔杜麗莎幫他唱埋一份。
力撐露大腿難忘
當中被傳與容祖兒不和的曾志偉，大彈祖兒與官恩娜等演出的「迷人兵Lady」是最低分項目，祖兒不忿地說：「我哋每條腿都值10分，加埋都有100分。」事後問祖兒被志偉寸低分時，她說：「我哋條條腿都咁靚，我唔覺係最低分。」落敗可感到輸得唔抵？她說：「輸馬鼻啫，付出努力冇抹煞，我哋露出咗嘅大腿，大家唔會忘記。」
身為女歌星總司令的鄭裕玲則說：「今年歌手係少咗啲，我哋啲item都比男歌星少咗個。」問可會覺得輸得不值，以及許多新人大家也不認識時，她說：「最緊要玩得開心，新人要畀機會人認識。」
唱歌走音的衞蘭卻聲稱表現OK，她說：「把聲有少少沙，可能用咗micstand有距離，加上跳舞，所以有少少收唔到音。」張敬軒與鄧健泓演出「難為雌雄定分界」時，差點想咀向鄧健泓，事後問軒仔為何不咀，他說：「怕咗阿邊個囉！」
阿詩稱缺席可惜
此外，曾傳緋聞的何韻詩和傅穎（Theresa）繼前晚缺席台慶後，昨日又一同出席防火推廣日活動，何韻詩否認不滿意表演安排而缺席：「其實佢哋開始mark期已經通知咗去唔到，我份人咁鍾意玩，去唔到覺得好可惜。」Theresa則坦言是公司未有安排，她說：「有得去梗係好啦，但係可能係太多人做，冇位畀我哋呢。」
採訪：卓寶花、王連連、藍文浩
攝影：葉君海、陳俊強
