06/11/07....
天晴
最新動態
經濟好轉，連招聘空中小姐少爺都唔夠數，同早兩年幾千人排隊真係不可同日而語，鬼咩！報章雜誌吹噓炒股發達個案，中學生都可以話係股神，連洗碗嗰位阿姐都話一個月可賺幾萬蚊，搞到港人如「癡」如醉！
之前講過市況一旦逆轉，你炒短線實走唔甩，後生仔係時候清醒吓，靠炒股賭波賭馬唔可以過世，股棍日日寫稿維生，冇辦法唔畀貼士兼叫你做交易（trading）；但其實最強嘅現金流（cashflow），係畀心機做好份工，跟住儲到錢吼低位揸啲好似交行（3328）、工行（1398）等優質股長揸，懶理佢一日升跌一、二千點，影響返工心情，方為上策。
講優質股，相信今屆你好難認同長揸利記及AC搵到食，我每日交稿但冇稿費收，唔代表可亂畀貼士，貼波同買股一樣要跟紅頂白，你長追阿仙奴讓球盤計可以近15場不敗，但點解要成日諗紅軍同AC米蘭幾時反底，今晚佢兩隊又出場，1.22倍嘅利記W，你係咪要心思思做吓trading呢？
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報