Hotcha呢隊新女子組合，啱啱推出首張唱片，已經謠傳內訌不和爭上位；咁又唔出奇嘅，三個青春美少女，各有Fans，就算佢哋自己和睦相處，外間點都有嘢講嘅，不如今日就幫佢哋三個睇吓相，測吓佢哋嘅事業愛情係點㗎啦！
資料提供：楊子東師傅
（http://yeungtsztung.com）
Crystal 下巴短縮做嘢急
張紋嘉Crystal係心急人，有時唔理好醜只求快趣搞掂。雖然人緣不俗，但有時妒忌心較強，做佢男朋友要格外留神。
1.額形飽滿少年運順
Crystal額形飽滿，記憶力強。驛馬開闊有利遠遊出國，但不利早婚。
2.眉長有勢敦厚有禮
佢眉毛較長，顯示其人耿直，對朋友熱心。
3.眼白瞳黑精神穩定
眼白瞳黑，處事公正，容易得人支持和肯定，卧蠶飽滿人緣不俗。
4.鼻頭下垂最有主見
鼻頭下垂有主見。作風幽默，易與人溝通，間中有嫉妒心，卻不易表露出來。
5.下唇凸出個性剛強
下唇凸出，獨立自主，不利合群，導致陷於追求個人利益。感情生活容易疑神疑鬼。
6.下巴短縮行事急促
下巴短小緊縮，行事比較急促，容易因一時之氣而敗了大事。
Regen 眼形帶笑旺桃花
張惠雅Regen即使唔笑，對眼都識笑，故桃花旺盛。不過，佢其實嫻靜旺夫，娶到佢好有福。
1.額形平整少年乖巧
平額主生性保守，主見一般。
2.眉清見底心思精明
眉毛柔順，凡事有商量。眉尾微彎，容易討人喜愛。
3.眼形帶笑易惹桃花
眼睛黑白分明而略帶滋潤，有溫柔嫻靜神采，桃花運旺盛。
4.鼻翼豐厚包容力強
鼻頭圓潤有人情味，對事情有獨特見解，財運分配能力強。
5.嘴角上彎好運眷顧
嘴形厚薄適中，嘴角微微上彎，樂觀積極，好運隨時眷顧，可稱豪門貴婦之嘴相。
6.下巴有力意志堅毅
下巴朝拱有勢，性格堅毅不屈，自信心強。
Winkie 鼻孔細小識慳儉
黎美言Winkie係浪漫又理智型，善良順得人，做朋友真係唔錯，不過感情比較慢熱，想追佢就要有耐性啦！
1.額形橢圓個性溫文
橢圓額的Winkie心胸開朗，對朋友要求會盡力滿足。
2.眉如新月舉止優雅
新月眉的人，脾氣溫和，心地善良，會體貼人，貴人運順。
3.眼角上揚頭腦靈活
佢眼頭垂而眼尾上揚，神態自若，處事精明，學習心態旺盛，領悟力強。
4.鼻孔細小知慳識儉
鼻形較長，鼻孔小，其人處事周全，懂慳儉。
5.上唇薄情感理智
上唇較薄，感情屬慢熱型；下唇比例適當，事業方面，能安守本份。
6.下巴尖長喜浪漫
下巴尖長，為人喜歡浪漫，與她其他部份的特徵產生明顯矛盾。
