呢個年代咩都講求包裝，不論大至一間複式豪宅，還是細至一粒螺絲釘，如果欠缺包裝一定會影響銷路，所以唔少汽車代理都喺推出旗下新車款時，會搞好多宣傳嚟壯大聲勢。
最近就有個汽車品牌嘅代理，將佢哋旗下嗰款好快喺香港推出嘅中型豪華房車，擺喺太古城中心地下做展覽。不過佢哋就同大家玩遊戲，實行將廠徽同型號名稱遮住，就連展品旁嘅告示板都無提過呢部係咩車，只係叫大家一齊嚟估吓呢部究竟係咩車，填妥參加表格再放入旁邊嘅抽獎箱。估中嘅朋友就有機會喺11月底到新加坡，參加新車登場儀式同埋旅遊，名額得一個咋，想到時出席盛會嘅朋友，就要記得喺11月11日前參加呢個遊戲啦！
記者：鄭達基