許志安噚日喺商台接受訪問，安仔一班歌迷知道偶像出碟，特別送咗一籠大燒賣畀佢，祝佢新碟大賣。安仔最近憑台劇《深情密碼》獲提名角逐金鐘獎最佳男配角，佢17號就會去台灣出席頒獎禮。安仔仲話：「因為公司覺得好難得有提名，所以畀我缺席歌唱比賽，同我一齊提名仲有吳孟達，我梗係想達哥攞啦，佢咁好演技。」