啱啱喺上星期四登場嘅全新MINIClubman，據聞事前事後都有唔少Fans話有興趣，當中仲有人即場落定買車㖭！咁又係呀，新車個叫價又的確吸引，普通版Cooper賣$277,000，而頂級辣版嘅CooperS都只係$343,000，比起之前坊間傳聞接近$420,000嘅賣價，真係吸引好多喎！
之不過，我車報員就收到風，話呢排歐元滙價日日攀升，所以代理方面有機會喺稍後時間調高新車嘅售價，但調高幾多都仲係未知之數；若然你想趁住家陣個車價仲咁吸引，兼可以喺新年前出車，就真係要趁快囉，事關佢哋仲有極少量配額等緊大家，如果想快人一步做Clubman嘅車主，兼用如此吸引嘅價錢將之據為己有，咁就真係要即刻飛身去Showroom睇車訂車，如果遲咗買唔到平車，就唔好話我唔提你哋囉！
記者：車報員
查詢：MINIHK（31299020）