曾演出韓劇《白雪公主》同《錢的戰爭》嘅女星金靜華，近期轉戰舞台劇，阿Deep收到風話佢齣新舞台劇《Audition》口碑好好。睇過金靜華嘅blog後，發覺佢戲裏戲外都好鬼清純，單喺自我介紹欄內，就知道佢係個虔誠嘅基督徒，猛咁感謝上帝、父母同網友。
金靜華又經常將自己同舞台劇拍檔或者工作人員嘅合照放上網，唔使講都知佢哋合作得好開心啦！早前佢為時裝雜誌遠赴意大利拍寫真，睇嚟佢真係寓工作於娛樂，不過最大收穫竟然係發現當地都有唔少韓國人喎！
網址： http://www.cyworld.com/hyogirl24