郭富城嘅「舞林正傳」演唱會，將再加開呢個月16號一場，門票聽日公開發售，為準備合共九場嘅個唱，城城連日嚟馬不停蹄綵排，但百忙中仍不忘照顧廣告商，化身型男為由佢做代言人嘅Longines手錶影時裝雜誌封面。城城為配合個唱，已特別訂製一個360度旋轉嘅巨型舞台，相信係近10年紅館演唱會中搭建最高同最大嘅舞台。