股市、金價、基金，你今日賺咗幾多？計落都可能掩住半邊嘴笑。有人會買衫買手袋買車，但有人寧願善待雙耳，用60萬買套HomeTheatre，唔使入戲院，隨時享受四方八面的高音、中音、低音、超低音。淨係聽覺享受都咁講究，再用300W後置擴音器推動7個喇叭及2個超低音，肉赤卻換來雙耳的舒服！記者：馬靜兒 攝影：周旭文
Model：JoeyMo
如面臨拳腳交加
今次Revel推出7.2音響組合，包括兩個前置喇叭、一個中置喇叭、兩個左右喇叭、兩個後置喇叭，再加兩個超低音。7.2不是第一次推出，用家其實最重視始終是個人的感受。總之可以收買到我雙耳才算掂！
廠家當日即場試播《盜火線》一段打鬥場面，由於用上7.2組合，戲中甄子丹及倪星的拳腳聲，跟打鬥環境其他聲音，分別自不同的喇叭和超低音輸出。環迴立體聲好明顯，真的覺得不同的聲音在前方的喇叭走向自己的後面，同時環境的聲音又在左右喇叭竄出，繞過自己，多種聲音在耳邊、前方左穿右插，厲害過演唱會舞台上的激光，感覺如置身現場般。
同時兼顧聽歌睇碟
雙耳享受完，當然要問吓價錢，全套加加埋埋要60萬，計埋MARANTZ的高清投影機和135吋投射屏幕，差不多70萬，足夠買半層天后的400呎單位。
點解咁貴？比起一般喇叭只用3路或2路，新出品的前置喇叭用上4路6單元，即高音、中音、中低音和3個低音單元，聲音自然兼顧得較完備。加上Revel一向有出High-End喇叭，平日主力集中在音樂，今次更照顧到家居播碟，特別設計給HomeTheatre，同時照顧聽音樂和睇碟的音響感受。
AVConsultant的AlanLee說，平日只集中聽音樂用的喇叭，睇碟播聲時，高音會有點吵耳，但這套組合就沒有這個問題。如果屋企地方大，想音色細緻一點，7.2音響組合就能滿足高要求。音效細緻清晰，環迴立體聲的面積都大一點。
300W後置擴音器夠Power
至於Lexicon的擴音器，前級有自家的系統，可以因應房間的大小和喇叭，自動調校輸出音量。至於後級，一般擴音器只有200W，今次推出的有300W×7，推動喇叭自然夠力好多，可以將喇叭的功效完全運用出來。加上這部後級不只有單端輸入，更有平衡輸入，可以避免干擾，令音質自然更完美。
AVConsultant的AlanLee：「今次這個組合不算是頂級的High-End組合，但對音樂發燒友來說是一個很好的選擇，無論畫面和聲音，兩方面都屬高質素。」
聽眾點講？
呢套喇叭Design好靚，音質夠清晰、亁淨、自然。
聲音好真，屋企都有一套音響，好想換咗佢，但價錢太貴！
聲新鮮、雄厚，整體來說好有質感。
聲之島（25241881）