06/11/07.....
天晴
最新動態
前幾年澳彩獨市生意，好多強弱懸殊嘅波驚風險大，唔願開最受歡迎嘅亞洲盤過關，不過𠵱家生意難做，連巴甲王聖保羅開讓兩球都照可過關，只因隔離埠焦點，盡在大型賭場；加上足智彩大受歡迎，所以當地波馬博彩失色屬意料中事，單講澳門日馬得番二、三千萬元投注，分分鐘唔及上次香港日馬，蘭桂坊大亨盛智文隻明星馬「幸運勇將」又贏嘅尾場獨贏總投注額。
莊家最驚，我就偏喜同佢對賭；好似上個禮拜六，一條過關由中午飛腳W，串阿仙奴大、查爾頓下盤、紐卡素上盤、阿爾克馬爾「主勝」到第二朝美職新英倫革命W，一條飛分分鐘五、六十倍回報。唉，可惜斷晒大敗嘅紐卡素，不過我全日就係賭呢幾場波，埋單計回報都唔錯。
賭過關唔係望日日贏，但以小博大有時回報幾可觀；相反𠵱家股票市場，就千祈咪瞓身博窩輪，以小博大都講緊5位數字計，H股飛升，槓桿比率得番兩、三倍，越賭越深，市況一旦逆轉，冇得守，好易一鋪清。
逢周一至五見報
http://hk.myblog.yahoo.com/footballexperts/
蘋果波神
股市大旺，英超盛世，大家齊來贏多啲！