好多人都會覺得，各大車廠喺賣咗部車畀你之後，頂多都只係幫你部車做保養維修，又或者賣配件畀你幫部車裝身，但咁諗其實係錯㗎！事關部份車廠會定期搞啲駕駛訓練課程，等車主們可以學吓點樣發揮座駕嘅性能，以及喺唔同環境下嘅駕駛技巧。
好似德國BMW咁，佢哋將會喺08年2月29日至3月3日於瑞典Arjeplog，舉辦一項名為「2008年冬季極地駕駛體驗」嘅活動，內容包括4天駕駛訓練課程及3天頂級住宿，但機票卻不包括在內，屆時參加者可在會場駕駛Z4MCoupe跑車及X5多功能SUV，在專業導師嘅帶領下喺雪地上飛馳，好玩之餘又可以改善自己嘅駕駛技術，費用為每人2,550歐元（即約港幣$28,660）。
有興趣嘅朋友，無論你是否BMW車主，都可以喺11月8日前向代理索取報名表格，填妥後連同駕駛訓練課程10%費用（即約港幣$2,866）作報名費的劃線支票，以及駕駛執照副本交回便可，隨後11月中便會有專人通知你嘅參加資格是否得到確認。想參加嘅朋友就記得要喺11月8日中午12時前報名，有問題可致電31299182向BMWHK查詢。
記者：鄭達基