應屆亞姐冠軍張家瑩（中），雖然喺當選之後成日俾網友彈佢大面兼唔靚，不過仍無損佢大搞慶祝活動，上個星期五，張家瑩邀請咗佢嘅屋企人、朋友同埋部份落選亞姐等出席佢自掏腰包舉行嘅慶祝晚會，不過之前大彈張家瑩唔係自己心目中冠軍嘅落選亞姐張海燕就冇出現，張家瑩話：「好開心同好感動，係爸爸幫我搞嘅，都用咗啲得獎嘅獎金埋單。」