名模熊黛林、樂基兒、琦琦、馬詩慧和徐子珊等，前晚出席名牌鞋履活動，被品牌設計師熱情攬腰和錫面。眾人大談鞋經，琦琦和榮雪梅家中均收藏超過100對鞋，十分誇張。
意大利鞋履名牌SergioRossi前晚在金鐘太古廣場慶祝新店開幕，由名模琦琦剪綵，之後移師中環舉行派對及鞋騷，由熊黛林及樂基兒等作示範。品牌創作總監EdmundoCastillo熱情招待眾名模及來賓，一律攬腰合照，而面對兩位「天王嫂」熊黛林和樂基兒，Edmundo更肉緊親吻她們。
自爆冰上行騷跣腳
一眾來賓大談鞋經，琦琦透露酬勞是靚鞋任揀，她更獲SergioRossi額外特製一對男裝鞋送給丈夫任達華。自認鞋癡的琦琦說：「老公嘅車房已經俾我霸佔咗，淨係長boots我都有100對，工人會影低相貼喺鞋盒面，方便我搵，囡囡𠵱家都有幾十對鞋囉。」身高6呎的琦琦揚言愛穿平底鞋，但也會穿3、4吋的高跟鞋，她說：「上面嘅空氣好啲！」她透露曾在亁冰上行騷跣腳，又試過鞋跟攝入天橋坑位。
熊黛林則揚言不會遷就男士而穿平底鞋，她說：「女人着高跟鞋特別性感，男友對女友越來越靚都會開心，面上有光彩！」
榮雪梅藏150對鞋
另一鞋癡榮雪梅以Valentino新裝上陣，她自爆家中收藏150對高跟鞋，問她可有試過穿高跟鞋受傷？她說：「我試過一對好靚嘅新鞋，第一次着住佢由屋企行去停車場都好痛，鞋同husband一樣，痛唔痛要試過先知。」
採訪：MaggieLaw
攝影：ChenWaiOn、ChanShunChing
母女小八卦：馬詩慧靚鞋三份着
馬詩慧（Janet）前晚也有出席鞋履活動，她表示自己與兩個女兒的鞋碼一樣，她說：「𠵱家我哋無論鞋、袋、衫同化妝品，全都可以一齊用，年中慳唔少錢。」連女性用品都一樣？Janet說：「𠵱家啲細路好早熟，月事嚟會自己拎M巾用，我用乜牌子佢哋咪用乜囉，咁先係一家人。」
