雖然《警訊》已呼籲過多次，但人心始終是肉做，所以還是會有人上當！10多歲的網民「hungkawai」日前在銅鑼灣崇光百貨門前遇上「聾啞人士」兜售電光旋風玩具，一時好心便給他20元，豈料騙徒將玩具翻轉，表示要「明碼實價」收取49元，氣得他要求回水，騙徒當然不肯退款：「差啲搞到我唔夠錢食飯！」
100蚊冇得找
不少網友都笑hungkawai一時糊塗，但原來也有不少人曾經受騙。「domini」也曾遇到「聾啞人士」兜售，「我咪仲蠢，我都收咗，諗住畀錢，點知得100蚊，以為有得找，點知佢竟然塞多個公仔畀我，攞咗我張100蚊紙！」
「nwt15」教路：「嗰班人唔係塞公仔就塞記事簿畀人，幾蚊貨仔就收你幾十蚊，如果大家咁唔好彩，畀佢哋塞嘢，你可以唔接；如果佢硬塞落你手，你可以掟番畀佢或者掉落地。因為我朋友上次又係畀人塞咗嚿嘢落手，嗰啲人喺度拍手，然後示意我朋友畀錢，我朋友唔理佢，掟番畀佢掉頭走！」
http://www.uwants.com/viewthread.php?tid=5105617&extra=page%3D5