韓星公侑自從拍咗劇集《咖啡王子》後，型仔咖啡店老闆形象深入民心，財源滾滾而來。早前佢就為當地罐裝咖啡飲品拍廣告，繼續以白馬王子形象示人，當然唔少得佢扮冲咖啡嘅造型啦。至於公侑嘅螢幕情侶尹恩惠，日前接受電視台節目訪問時就話，平時一個人喺家中會煮吓飯仔、打掃同畫畫。佢仲話之前演出嘅角色都好有個性，所以下次想挑戰儍婆角色喎。