咪以為嗰啲成日出入Ball場、周身珠光寶氣嘅名媛，就一定係又斯文又有教養嘅淑女，好似有身材但冇樣嘅名媛「蚊胃」，原來佢平日嘅舉動非常豪邁，會將自己喺Ball場入面嘅淑女儀態扔埋一邊。
着內衣褲橫行
早排關仁個老友去中環ifc商場行公司，行開一間專賣歐美運動服嘅時裝店，喺舖入面撞正蚊胃一個人喺度揀衫，佢揀嘢嗰陣真係好爽快，三扒兩撥就捧住成堆衫入試身室，但你點諗都諗唔到，蚊胃竟然係打開門試衫，當佢發現啲衫褲size唔啱，仲夠膽齋着Bra同內褲行出試身室外，大聲叫啲售貨員攞過第二個碼畀佢試！
講真，佢open係一件事，之不過佢嘅美貌，並唔係每個人都識欣賞，好似當日呢幕場面，就令到啲小小售貨員同在場嘅顧客心靈受創，希望佢不念己，都顧吓人哋感受吖。
Textby關仁
