王菀之（左）噚日出席「2007防火推廣日」，東亞唱片嘅宣傳人員同佢一齊，佢即係話畀大家知佢轉會。雖然有傳王菀之因為轉會，搞到同張敬軒一齊搞嘅紅館騷開唔成，不過佢噚日就解釋話：「本來係分開兩個人名申請，每人唱兩場，但係唔知邊度出錯，變咗一齊唱四場。咁重新申請又趕唔切，轉會後合作又會麻煩啲，所以惟有等下次機會再嚟過囉。」