【本報訊】一名受感情困擾女子昨與男友爭執後，爬出沙田九樓寓所窗外企圖跳樓，其間她失控大叫：「下面啲人死晒呀？做乜唔出聲？我帶你哋去見龔如心，好唔好？」叫嚷聲驚動住客報警。談判專家趕到現場游說，雙方對話個多小時，女事主終軟化由消防抱入屋，再由男友陪同送院。
企圖跳樓女子姓彭（50歲），未婚，有工作，無精神病紀錄，與年紀相若男友同住穗禾苑慶盛閣一單位。據了解，彭婦近日與男友感情出現問題，情緒低落，事發前無飲酒。
「帶你哋去見龔如心」
昨凌晨3時許，彭女與男友因感情問題又發生爭執，她突情緒激動，身穿單薄睡袍爬出九樓寓所窗外，危站僅一呎闊的簷篷，其間她大叫：「穗禾苑啲人死晒呀？做乜唔講嘢？下面啲人死晒呀？做乜唔出聲？我帶你哋去見龔如心，好唔好？」吵嚷聲連地下也聽到，驚動附近住客報警。
消防到場在地下張開救生氣墊戒備，個多小時後，警方談判專家趕至游說，向她動之以情，表示仍有很多人關心她。至早上6時45分，終勸服彭婦由消防員抱回屋內，她稍後更衣，由男友陪同送院檢查。