八達通卡越出越細張，迷你版八達通卡登場後一直被搶購，彩卡版仍然有售，經典黃色版已經斷貨，不過，網民「CEO」嫌迷你版八達通仍然太厚、自行改裝成纖薄版，薄得可以放入手機裏使用，他自稱任職軍用產品研製公司，產品包括周星馳電影《國產凌凌漆》內出現過的太陽能電筒及搞笑殺人武器，如今改裝八達通實在「好濕碎」！
迷你八達通卡，面積約4.7厘米乘3厘米，是標準八達通卡的三分一。「CEO」將它改裝後：「喺馬鐵增值時，薄到嚇親個收銀哥哥，以為係假的迷你八達通，之後買早餐畀錢都冇問題。」並自詡：「最新CEO版可能係全球首張最薄的迷你八達通！」不過，也嫌迷你八達通卡太厚的網友「FX5626」則提出更簡單的方法：「冇你咁好心機，直接（拆走卡身，將卡內電路板）放入電話用。」
應該不獲退餘額
雖然迷你八達通屬銷售版，退卡沒有按金可以取回，但「Winniethepooh」認為：「一般八達通壞卡時，可以拎張卡去要求退回剩餘儲值額，不過整到張卡咁，一定唔會退畀你。」「tinwood」：「現在的八通達卡好厚咩？我仲用緊黃色嗰款，好好用呀！好silm（纖巧）喎！」
「PEOPLE647」讚CEO：「好勁啊！你係咪007入面個武器專家啊？」逗得CEO非常開心：「你真聰明！小弟工作的公司的確有從事軍用產品的研製，『凌凌漆』入面的『太陽能電筒』和集10種殺人武器於一身的『攞你命3000』都有做。」
http://www.yuchuicourt.com/viewthread.php?tid=1736&extra=page%3D1