唉，玩擂台咁耐，自問多數有盈利收場，10月份包艇，心情其實冇乜特別，可能係想幫某位名家老友，費時佢長期霸佔呢個位置啦。肥仔教落：「賭波係咁㗎啦！」我明，賭波要睇長線，總之長遠睇，我知自己有錢贏緊就得。
前晚同朋友對賭，我哋開咗場「彭美拉斯vs巴塞隆拿」嘅平手盤玩吓，即係淨計邊隊入得多嗰隊就贏。畢傑寫開西甲同巴甲，兩隊軍情都一清二楚；我知彭美拉斯冇咗中場靈魂華廸韋亞影響好大（我喺巴西見過佢1個扭5個），但主場對尾2嘅青年人，諗住入波肯定多過巴塞。
彭美拉斯輸波唔緊要，唔好輸0:1冇波入吖，巴塞就1:1和華拉度列，結果巴塞贏彭軍「1:0」，所以話賭波冇肯定嘅。今周由贏錢變輸水，希望皇馬個平手盤幫到我。
讓球：皇家馬德里（平）
心得：皇馬「夢幻組合」勁
近5場往績：輸贏走輸輸
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。