機制，是一個機構中所有相關人士可以依循的制度，適當時可能要變，但有些變動表面適當，但看真原來……以下故事令我想起07年的一級方程式，同樣醜死鬼。
地球每4載踢一次波波，有個光頭肥叔叔應承咗人哋06年去個好熱嘅地方踢，但點知比阿大槍鮑（大槍即BigGun）攔路將啲客人送晒去食漢堡包。肥叔叔02年已經差些被其他人反對，那故事那教育科技好多「發現」的電視台也有得睇，肥叔叔差些走佬但諗到一條全球各大陸輪流踢波波的絕橋，結果遲些大家便會去好熱那裏踢，而最近大party就決定再遲些大家就去好多哨牙那裏踢。但光頭肥叔叔又表示因缺乏競爭，所以再再遲些就不再各大陸輪流踢，而是邊個想開大party邊個就申請。
表面合情合理，原機制也沒時限，但還沒輪流一周就取消似乎有點怪，好趕時間嗎？至少探埋袋鼠哥以及去咗人地屋企找不到化學大炮的那個叔叔打個招呼，這機制才算完成一周呀！而既然以上的都有能力搞好大party，為甚麼要說甚麼沒競爭呢？突然我旁邊的小明同我講，肥叔叔說的是沒有人在他那裏競爭呀儍仔！要競爭嘛，要丟好多本落去㗎嘛，明未呀？但小明不明的是光頭肥叔叔同佢班friends唔夠洗嗎？為甚麼要經常醜死鬼呢！
文：何輝
mailto:[email protected]