陳奕迅（Eason）前晚舉行第9場個唱，未知佢係咪之前萬聖節玩得太興奮，搞到前晚烏龍百出，除咗將第9場個唱講錯為第8場外，安哥時仲甩嘴兼入錯key，搞到即時被台下觀眾狂噓。老貓燒鬚嘅佢只好喺台上作狀發惡鬧fans：「噓乜，呢個騷係我，我唔唱都得。」但之後佢都乖乖唱晒成首歌，仲自嘲腳粗，希望將來女兒長大後唔好似佢呢樣嘢。