李亞鵬噚日下晝兩點半同女助手從北京來港，出席鳳凰衛視今晚舉行嘅「2007年中華小姐環球大賽總決賽」，佢會聯同城大前校長張信剛以及任賢齊做評判。戴住黑超嘅李亞鵬出閘時好有紳士風度咁幫助手推行李，但當有記者上前打招呼時，佢就收起笑容，但都應要求企定影咗張相，之後就急急腳去停車場上車。