【本報訊】一件「拾肆K」潮Tee，觸發警方Ｏ記幹探在設計界展開一場「反黑」風暴。文化界認為警方反應過敏，擔心會窒礙創作自由；教育界人士則認為借「黑社會概念」賺錢之風不可長。「江湖中人」兼演員吳志雄則認為14K只是一個代號，「唔需要咁勞師動眾去拉人」。
文化人梁文道表示，該Ｔ恤上沒寫明「我係拾肆K」，難以證實與黑社會有關：「香港好多漫畫都有用真實嘅社團同人物做主角，又唔見警察一視同仁去做嘢？」他指即使穿上該款Ｔ恤，只代表一種反叛態度，「就好似好多人着哲古華拉或者大麻Tee咁」。
「係咪要有社會責任」
不過，教評會副主席何漢權認為，若呢款Ｔ恤只是設計系學生的實驗創作，則無傷大雅，「如果係賣錢嘅，係咪要有啲社會責任？知唔知黑社會對青年人有好大影響？」明光社總幹事蔡志森也指近年公眾對黑社會遺禍開始鬆懈，認為商界不應推出產品加以美化。
慈雲山「十三太保」成員之一、電影人李兆基相信今次行動是由警方黑社會專家決定，他指「14K」這幾個字相當敏感，不宜用來印T恤，「就好似車牌都唔可以用426啦」。但他認為警方高調拉人就有點過火，「我覺得畀個warning（警告）先會比較恰當。」吳志雄則指14K只是一個代號，並不是一個真正幫會的名字：「只不過係一件T恤，真係唔需要咁勞師動眾去拉人。」