熊黛林與郭富城的親密關係，近期越來越火熱。昨日熊黛林承認城城上周五生日，凌晨夜訪他家中慶祝，但提及濕頭、第一次到訪，她就面紅、靦腆支吾以對，但否認錫到城城爛嘴。
上周五郭富城生日，有雜誌拍到熊黛林凌晨三點到城城大坑居所，為男友慶祝，逗留足五個小時，到早上八時半才濕住髮尾、倦極離開，而晚上城城出席活動時，更被發現嘴唇爆裂。
「唔知佢整親」
熊黛林昨日與楊崢、陳嘉容、施念慈等在尖沙嘴出席千両日本餐廳開幕，即場學切吞拿魚及大啖魚生。熊黛林被問到夜訪城城家慶生，她似有備而來直認說：「係呀，不過嗰晚有好多人。」例如那些朋友？她說：「我唔講得，個party三、四點先開始，我係最早走嗰個。」
對於城城指她是「傾得埋的朋友」，熊黛林說：「咁叫得上去玩嘅都係熟朋友啦。」去玩為何髮尾會濕？她開始面紅，然後說：「冇濕頭，我紮起咗啲頭髮咋。」問她是否第一次上城城家？她靦腆說：「我唔知點答你，算啦，你當我係第一次啦。」問她是否搞到城城爛嘴？她聞言即說：「梗係唔係啦，我都唔知佢整親。」
承認鄉下買樓
至於熊黛林有否送birthdaykiss？她詐儍說：「要咩？你哋唔早啲同我講。」她又否認以女主人身份打點，以及經常到訪城城家。提到之前有雜誌影到她身家暴漲，拿30萬現金在南京買樓，她即時說：「嗰袋唔係錢，係文件，間屋兩年前已經買咗，今次係補番文件。」
採訪：RitaLeung
攝影：RickyIp
