陳法蓉噚日喺大埔錄影亞視清談節目《電視風雲50年》，佢話今次只係做嘉賓，並非正式加盟亞視。近日傳出陳法蓉同蔡少芬有斷背情，又話佢哋搬到沙田同居，陳法蓉話：「同男又話發電廠，同女又話特殊關係，我同蔡少芬10幾年好朋友，大家都知，只係佢之前聲帶有事，講唔到嘢啫，我做咗佢代言人，咁大隻死貓真係啃唔落。」