其實班賓架點會掛住打波唔賺錢，華華噚日睇到國家外滙管理局公佈嘅最新QDII數字，截至今年9月尾，已批出嘅QDII額度達421.7億美金，已實際滙出嘅投資金額達108.6億美金，差唔多成850億港銀。
當中21家商業銀行代客境外理財投資購滙額度有161億美金，即係成1255.8億港銀。另外，5家基金公司獲批境外投資額度達195億美金，即係1521億港銀，仲有14家保險公司，獲得65.7億美金額度。
早幾日，李國寶嘅東亞銀行就夾埋德國嘅UnionInvestment，組成東亞聯豐投資，準備出年首季推出兩個QDII產品，而噚日中銀香港就啱啱推出咗個「中銀香港紫荊」QDII境外理財計劃。所以華華話，賓架點會有錢唔賺走去打golf。